Երկու տարի առաջ Քայլի Ջենները թողարկել էր Kylie Cosmetics կոսմետիկական բրենդը, որը մեծ ժողովրդականություն է վայելում ողջ աշխարհում։ Վերջերս աղջիկը երկրպագուներին լյուքս դասի դիմահարդարման վրձինների նոր հավաքածու է ներկայացրել։ Արտադրանքի լուսանկարը հայտնվել է ապրանքանիշի Instagram-ի էջում։
Վրձինների հավաքածուն արժի 360 դոլար։ Այդ մասին գրել է Քայլին և շտապել արդարանալ։ «Հատուկ Ձեզ համար մշակել եմ վրձինների ցնցող պրեմիում շարք։ Բնական մազափունջը խիստ տարբերվում է սինթետիկայից։ Ապագայում ծրագրում ենք թողարկել սինթետիկ վրձինների շարք՝ դեմոկրատական գնով»։
Ռեալիթի շոուի աստղի երկրպագուները բավականին կտրուկ քննադատել են բրենդի գնային քաղաքականությունը։ Շատերը նշել են, որ այդ գումարը կարելի է ավելի օգտակար բաների վրա ծախսել, և որ հավաքածուն այդքան գումար չարժի։
