Լուրեր
Իշխանության մեջ ով կա, բոլորն աղա են, աղունն աղացող չկա. Էդմոն Մարուքյանը՝ ի պատասխան Սերժ Սարգսյանի
  • 16:55
  • 2017-12-11
  • Դիտումներ՝ *

ԱԺ «Ելք» խմբակցության պատգամավոր Էդմոն Մարուքյանը, անդրադառնալով Սերժ Սարգսյանի՝ համայնքի ղեկավարների առաջ ելույթին, «Առաջին լրատվական»-ի հետ զրույցում ասաց, որ սա շատ անկեղծ հայտարարություն է և բացահայտում է Հայաստանի քաղաքական համակարգի հիվանդություններն առ այն, որ Հայաստանում եղել են թալանչիներ և կան թալանչիներ, գողեր, ավազակներ, ովքեր տարբեր մակարդակներում տարբեր պաշտոններ են զբաղեցնում:

«Այդ մարդիկ ներվել են նախագահի կողմից, ուղղակի նախագահն ասում է՝ հունվարի մեկից էլ չենք ների, այսինքն՝ եթե կարող եք, այս ընթացքում էլ կարող եք թալանել: Այն մարդիկ, ովքեր կկարողանան ՀՀԿ-ի համար ձայներ ապահովել և ծառայություններ մատուցել, նրանք միշտ ներվելու են, նրանք միշտ կարող են թալանել, քաղաքապետարանի շենքը գրեն իրենց հոր վրա և միևնույն ժամանակ ներվեն, որովհետև իրենք համապատասխան ծառայություններ են մատուցում»,- հավելեց նա:

Անդրադառնալով Սերժ Սարգսյանի՝ «ով չի ուզում նոքար լինել, թող գնա աղա դառնա, գնա ուրիշ գործի» հայտարարությանը՝ Էդմոն Մարուքյանը հիշեց՝ «Ես աղա, դու աղա, բա մեր աղունն ո՞վ աղա» առածը: Նրա խոսքով՝ իշխանության մեջ ով կա, բոլորն աղա են, աղունն աղացող չկա: Եթե Հայաստանում քաղաքական չափանիշները աղան և նոքարն են և ոչ թե քաղաքացին, քաղաքացիական հասարակությունը, նման կերպ հնարավոր չէ պետություն կառուցել:

Հարցազրույցն ամբողջությամբ՝ տեսանյութում:

  • Դիտումներ՝ *