Playboy-ի նախկին մոդել Անժելիկա Հարթը լավագույն ընկերուհուց փրկագին ստանալու համար առևանգում է ձևացրել։ Առևանգված մոդելով տեսանյութը Facebook-ով ուղարկվել է Թորի Բրաունին։ Նրան նախազգուշացրել են, որ յուրաքանչյուր ժամ կկտրեն աղջկա մատներից մեկը։
Սարսափելի տեսանյութում Playboy-ի նախին մոդելը ճչացել ու խնդրել է, որ իրեն օգնեն։ Կադրի հետևում լսվել է Անժելիկային առևանգողի ձայնը։ Տղամարդը փրկագին է պահանջել։ Սկզբում գումարը կազմել է 5000 ֆունտ, սակայն այնուհետև հանցագործը բարձրացրել է գինը՝ հասցնելով 8000 ֆունտի, հայտնում է Mirror-ը։
Վախեցած Թորի Բարունը փոխանցել է անհրաժեշտ գումարը, սակայն ընկերուհուն այդպես էլ չի տեսել։ Պարզվել է՝ Անժելիկան խաբել է 40-ամյա Թորիին, ով ժամանակին դարձել էր առևանգման զոհ։ Անժելիկայի՝ կադրից հնչող սարսափելի ճիչերը ստիպել են նրան հիշելու հին մղձավանջները։
«Երբեք չէի մտածի, ով Անժելիկան կարող է ինձ հետ այդպես վարվել։ Նա օգտագործել է իմ վախերն իմ դեմ։ Հարվածել է այնտեղ, որտեղ ամենից շատն եմ խոցելի»,-ասել է Թորի Բրաունը, ով Անժելիկայի հետ ծանոթացել էր 2004 թվականին, Բիրմինգեմի բարերից մեկում, որտեղ երկուսն էլ պարուհի են աշխատել։