ԵԱՀԿ նախարարների խորհրդի 24-րդ նիստում Վրաստանի բարեկամ-երկրների խումբը հրապարակել է հայտարարություն՝ պետությունում ռազմական հակամարտության մասին։ Հայտարարությունը ստորագրել են Կանադան, Էստոնիա, Լատվիան, Լիտվան, Լեհաստանը, Ռումինիան, Շվեդիան,Չեխիան, Մեծ Բրիտանիան և ԱՄՆ-ը։
Նրանք հաստատել են «լիարժեք աջակցությունը Վրաստանի տարածքային ամբողջականությանն ու ինքնիշխանությանը նրա՝ միջազգայնորեն ճանաչված սահմանների շրջանակում», հայտնում է «Գրուզիա Օնլայնը»։ Վերոնշյալ երկրներն աջակցություն են հայտնել նաև երկրի եվրոպական և եվրաատլանտյան ինտեգրման հարցում։ Նրանք կոչ են արել Ռուսաստանին լիարժեք կերպով իրագործելու ԵՄ-ի միջնորդությամբ 2008 թվականի օգոստոսի 12-ին կնքված համաձայնագիրը, այդ թվում դուրս բերել սեփական ռազմական միավորումներն օկուպացված տարածքներից։
Հայտարարության հրապարակումից մեկ օր առաջ ԱՄՆ պետքարտուղար Ռեքս Թիլերսոնը հայտնել էր, որ ԱՄՆ-ը վճռականորեն աջակցում է ՆԱՏՕ-ում Վրաստանի անդամակցությանն ու անհամբերությամբ սպասում այդ ուղղությամբ բոլոր քայլերի ավարտին։