Արաբ որոշ գործընկերներ, ովքեր 2016-ին հայտարարեցին պրն Թրամփին իրենց աջակցության մասին, զարմացնում են: Նրանք դրական ազդակ են տեսնում Մերձավոր Արևելքում ամերիկյան դիրքորոշումը փոխելու համար, հատկապես՝ ինչ վերաբերում է պաղեստինյան հարցին՝ պնդելով, որ պրն Թրամփը պարտադիր ավելի լավը կլինի, քան պրն Օբաման և տիկին Քլինթոնը: Հայտնի չէ՝ այդ մարդիկ որտեղից են հայտնվում: Թրամփը ոչ երկիմաստ կերպով ցույց էր տալիս իր մտերիմ հարաբերություններն Իսրայելի հետ: Իր նախընտրական արշավի ընթացքում նա հատարարել է, որ Աստծո պարգև է Իսրայելի համար և որ ինքը լավագույնն է, ինչ կարող են ամերիկյան ընտրությունները բերել Իսրայելին: Նա թշնամական զգացմունքներ է տածում մուսուլմանների, ներգաղթյալների և տարբեր փոքրամասնությունների հանդեպ, ինչը ցույց է տալիս նրա նախապաշարմունքները և ռասիզմը: Այս մասին գրում է կատարյան Al-Watan Qatar պարբերականը:
Հիմա մեկ տարի անց այն բանից, ինչ պրն Թրամփն իշխանության գլուխ է եկել, մենք կարող ենք հարցնել նրանց, ովքեր նախկինի պես շարունակում են աջակցել ԱՄՆ նախագահին և խնդրում են նրան հնարավորություն տալ՝ հիմա գործերն ինչպե՞ս են Մերձավոր Արևելքում, իրավիճակը փոխվե՞լ է:
Յուրաքանչյուրը կարող է տեսնել, որ իրավիճակը փոխվել է… բայց դեպի վատը: Եվ հիմա ամերիկյան վարչակազմն անամոթաբար հայտարարում է, որ Երուսաղեմը ճանաչում է Իսրայելի մայրաքաղաք: Այս մասին պարբերականն ավելի վաղ զգուշացրել էր, մասնավորապես, վկայակոչելով փաստաբան Դևիդ Ֆրիդմանի Իսրայելում ԱՄՆ նոր դեսպան նշանակումը, որի մասին պարբերականը գրել էր, որ նա «ավելի մեծ ռոյալիստ է, քան ինքը՝ արքան»: Պարբերականը հիշեցնում է, որ պրն Ֆրիդմանն ուզում է ԱՄՆ դեսպանատունը Թել-Ավիվից Երուսաղեմ տեղափոխել: Չնայած դեսպանատունը տեղափոխելու մասին բանաձևը Կոնգրեսն ընդունել է դեռևս 1995 թ.՝ ԱՄՆ ոչ մի նախագահ (Քլինթոնը, Ջորջ Բուշ-կրտսերը, Օբաման) չի իրականացրել այդ որոշումը՝ օգտվելով սողանցքից օրենքում, որը վերաբերում է դեսպանատունը տեղափոխելը հետաձգելուն, եթե կան մտավախություններ, որ այդ գործողությունը կհանգեցի ԱՄՆ ազգային անվտանգության համար սպառնալիքի առաջացման:
Բացի դրանից՝ պարբերականը հիշատակել է, որ ԱՄՆ նոր դեսպանը (Ֆրիդմանը) համաձայն է պաղեստինյան տարածքներում հրեական բնակավայրերի կառուցումը շարունակելուն և բոլորովին դեմ չէ Արևմտյան ափի բռնակցմանը և օկուպացիային, ասվում է հոդվածում:
Դա վտանգավոր փոփոխություն է, որը տեղի է ունենում ԱՄՆ քաղաքականության մեջ: Յուրաքանչյուր վարչակազմ 1967 թվականից անօրինական է համարել հրեական բնակավայրերն Արևմտյան ափին: Մի ուրախացեք, Թրամփի արաբ երկրպագուներ, տեսեք՝ ինչ է կատարվում: «Պրն Ֆրիդմանի արմատական դիրքորոշումն ի պաշտպանություն հրեական պետության հասարակ իսրայելցիների մեծ մասին, էլ չասած՝ հրեական ծագմամբ ամերիկացիների մասին, ստիպում է անհավատարիմ երևալ իրենց երկրին, իսկ նրանցից ոմանք կարող են դավաճան համարվել»,- մեկնաբանել է իսրայալեկան Haaretz թերթի վերլուծաբան Հեմի Շալևը:
Դրան կարելի է ավելացնել պրն Թրամփի դիրքորոշումը, ում չի մտահոգում և չի հետաքրքրում ողբերգական իրավիճակը Սիրիայում: Նա ռուսներին է փոխանցել սիրիական խնդիրը՝ նույնիսկ չփորձելով մասնակցել դրա լուծմանը: Սիրիայում նավթի հորեր չկան, և ԱՄՆ տնտեսական քաղաքականության նպատակների իրագործման հեռանկարներ չկան:
ԱՄՆ նախագահի առաջին հոգսը տարածաշրջան նրա այցի ժամանակ հարյուր միլիարդավոր դոլարները գերազանցող պայմանագրերի կնքումն էր: Եմենում սովի, եղբայրների միջև պատերազմների խնդիրների մասին, որոնք չեն վերջանում, Ամերիկան չի ուզում ո՛չ իմանալ, ո՛չ լսել: Բացի դրանից՝ պրն Թրամփը նորից իր թվիթերյան էջում հակաիսլամական և հակամուսուլմանական տեսանյութեր հրապարակեց, որոնք հրապարակել էին աջ ծայրահեղական կազմակերպություններ Մեծ Բրիտանիայում, ինչի շնորհիվ՝ խիստ քննադատության ենթարկվեց վարչապետ Թերեզա Մեյի կողմից:
Հրապարակումները Twitter-ում ցույց են տալիս, որ պրն Թրամփը նախկինի պես իր մեջ կրում է չարություն և ատելություն բոլոր մուսուլմանների և արաբների հանդեպ: Նա նրանցից ոչինչ չի ուզում՝ բացի փողից և հարստությունից: Եվ նորից հարց արաբ գործընկերների համար, ովքեր աջակցում են պրն Թրամփին՝ դուք դեռ բարի՞ք եք տեսնում այն մարդկանցից, ում ձեռքերում է իշխանությունը Սպիտակ տանը: