«Առաջին լրատվական»-ի հետ զրույցում Գերագույն խորհրդի պատգամավոր Ազատ Արշակյանը նշեց, որ վերջերս հանդիպել է Սեյրան Օհանյանի հետ, և Նորքի զինված խմբի գործում Սեյրան Օհանյանի անունը շոշափելու մասին, Օհանյանը միայն մի նախադասություն է ասել։
«Կենցաղային մակարդակի իջեցված զրպարտություններին չենք հասել, Սեյրան Օհանյանը միայն ասաց՝ «տես, ուր են հասել, բայց այդքան ցածր կարելի է իջնել»,- ընդգծեց նա։
Ազատ Արշակյանն ասաց, որ Սեյրան Օհանյանը 37 տարվա զինվորական ծառայության փորձ ունի, հերոս է, նա որպես զինվորական չի մասնակցել որևէ խռովության, դավադրության, որպես քաղաքական գործիչ ՕՐՕ-ում ևս հանդես է եկել պետական մտածողությամբ։
«Եթե նրա երկու ուղիներին ծանոթ են և ենթադրում են, որ Սեյրան Օհանյանը կարող էր մասնակցել կամ հրահրել քաղաքացիական պատերազմ, նշանակում է՝ մենք ընդհանրապես զուրկ ենք քաղաքական քննարկումների կուլտուրայից, մենք դատարկաբանությամբ ենք զբաղված, բամբասում ենք»,- շեշտեց նա։
Մանրամասները՝ տեսանյութում։