«Հայաստանում մարդ ա մնացել, որ գնորդ լինի կամ չլինի, օրերով կանգնում ենք՝ մարդ չի մտնում շուկա, ով էլ մտնում ա ձեռքը շատ փող չկա, որ նորմալ առևտուր անի»,- «Առաջին լրատվական»-ի հետ զրույցում դժգոհում են վաճառականները։
Վերջիններս հավաստիացնում են, որ օրվա մինիմալ վաճառքի գումարն անգամ չի բավականացնում ընտանիքի հոգսը հոգալու համար։
«Որ մարդիկ գնողունակ չեն, ոնց կարան ինչ-որ մի ապրանք առնեն․ ոչ նորմալ աշխատավարձ են ստանում, ոչ էլ նորմալ թոշակ։ Ես օրինակ պանիր եմ ծախում, 1800- 2000 դրամով , բայց օրերով կանգնում եմ մարդ չի մոտիկանում կամ էլ մի հոգի ասենք 300 գրամ բան ա առնում․ էդ փողով ես ո՞նց կարամ տուն պահեմ»,- ասաց վաճառականներից մեկը։
Մյուսն էլ իր հերթին հավելեց․ «Որոշ բան էժան ա, որոշ բաներ թանկ են․ օրինակ, չարազների մեջ միայն պնդուկն է էժան՝ 3500 դրամ, իսկ ամենաթանկը հնդկական ընկույզն է՝ 9000 դրամ, նուշը՝ 6000․ ոմանք առնում են, ոմանք էլ չեն կարող իրենց թույլ տալ էդպիսի առևտուր անել, մարդ կա կիլոյով է առնում, մարդ էլ կա 200 գրամի է ընդամենը փող հերիքացնում»։
Գնորդներն էլ իրենց հերթին պնդում են, որ համատարած թանկացումների ու քաղաքացիների գնողունակության անկման ֆոնին ոչ կարողանում են մեծածախ առևտուր անել, ոչ էլ ամանորյա տոներին պատրաստվել։
«Ընդամենը 30 հազար դրամ թոշակ եմ ստանում, առանց այն էլ այդ փողով շատ քիչ բան էի առնում, հիմա դա էլ չեմ կարենալու առնեմ․ եթե առաջ ամիսը մեկ գոնե կես կիլո միս էինք առնում, կամ երկու հատ ձու, հիմա էդ էլ չենք առնելու․ էդքան որ ամեն ինչը թանկացնում են, էս ժողովրդի մասին հեչ գոնե մտածո՞ւմ են»։
Մանրամասները՝ տեսանյութում։