Ռուսաստանի նախագահ Վլադիմիր Պուտինը դեկտեմբերի 11-ին աշխատանքային այցով Թուրքիա կայցելի, նախատեսվում է հանդիպում Թուրքիայի նախագահ Ռեջեփ Թայիփ Էրդողանի հետ: «Նախատեսվում է քննարկել երկկողմ համագործակցության արդիական հարցեր, նախևառաջ՝ էներգետիկայի ոլորտում խոշոր համատեղ ծրագրերի իրագործման ընթացքը: Տեղի կունենա նաև կարծիքների փոխանակում կենտրոնական միջազգային խնդիրների վերաբերյալ, ներառյալ՝ իրավիճակի Մերձավոր Արևելքում և սիրիական կարգավորման»,- ասվում է Կրեմլի կայքում հաղորդագրության մեջ:
Նախագահները կքննարկեն Երուսաղեմի խնդիրը, RIA Novosti-ին հայտնել են Թուրքիայի նախագահի վարչակազմում: «Կողմերը բացի երկկողմ հարաբերությունների զարգացմանը վերաբերող հարցերից՝ կքննարկեն ամենից առաջ Երուսաղեմի հետ կապված վերջին իրադարձությունները և իրավիճակը Սիրիայում»,- ասել են գործակալությանը:
