Փաստաբան Նորայր Նորիկյանը կարծում է, որ «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում փոփոխություններ կատարելով՝ 100 տոկոսով ավելացնելով տուգանքի չափը, ստեղծում ենք փակուղային իրավիճակ, օրենքը չի աշխատելու։
«Մենք չպետք է մարդուն «կամ-կամ»-ի խնդիր դնենք, եթե փող չունես՝ կամ դատվում ես, կամ չես գալիս։ Մարդուն պետք է հնարավորություն տալ, մենք քեզ ազատում ենք քրեական հետապնդումից, դու արի վճարի այդ 3.600.000 դրամը, եթե չունես, մենք քեզ կտանք հնարավորություն 5 տարվա մեջ վճարելու այդ գումարը, կամ եթե դրա հնարավորությունը չունես, մենք քեզ ստեղծում ենք այս դաշտը, պլատֆորմը, արի, մենք քեզ 6 ամիս ռազմական ուսուցում ապահովենք, որից հետո դու մեկ տարի կարող ես վճարովի հիմունքներով անցնես պայմանագրային ծառայության։ Մենք պետք է այլընտրանքային հարթակներ առաջադրենք այդ մարդկանց, որպեսզի մարդը փակուղային իրավիճակում չհայտնվի։ Իսկ այս օրենքը փակում է այդ բոլոր հնարավորությունները։ Մարդը չունի այդ գումարը, հետո ամենակարևոր խնդիրը՝ մենք գործ չունենք 5-10 հոգու հետ, սա շատ լուրջ խնդիր է։ ՀՀ Սահմանադրության առաջին հոդվածը, բացի ինքնիշխան, իրավական, ամպագորգոռ ձևակերպումներից, ունի մի շարք կարևոր ձևակերպում՝ սոցիալական պետություն։ ՀՀ-ն ինքնին պետք է վարի նաև սոցիալական քաղաքականություն, որը նպաստ կբերի իր քաղաքացիներին։ ՀՀ-ն կոնկրետ պատասխանատվություն է կրում այդ 11 հազար քաղաքացու ճակատագրի համար, և ինքը պետք է մշակի այնպիսի օբյեկտիվ, իրական գործիքակազմ, որը ողջամտորեն կծառայի և՛ այդ քաղաքացիներին, և՛ ՀՀ-ին։ Հիմա մի կողմից ասում ենք՝ տեսեք, անարդարության դեմ պայքարում ենք, բայց մի կողմից փակում ենք այդ մարդկանց վերադարձի փոքրիկ պատուհանն անգամ»,- շեշտեց նա։
Մանրամասները՝ տեսանյութում։
