Friday, 29 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Բաղմանյանի պաշտոնանկությունը Վիգեն Սարգսյանի քմահաճույքը չէր. ի՞նչ խնդիր լուծեց Սերժ Սարգսյանը

ՀՀ նախագահ Սերժ Սարգսյանի հրամանագրով՝ գեներալ-լեյտենանտ Հայկազ Բաղմանյանն ազատվել է ՀՀ Զինված ուժերի գլխավոր շտաբի պետի տեղակալի պաշտոնից: Նախագահի հրամանագրից ավելի վաղ՝ լրագրողների հետ զրույցում պաշտպանության նախարար Վիգեն Սարգսյանը ընդգծել էր, որ Բաղմանյանն աշխատանքից ազատվելու զեկուցագիր է ներկայացրել իր հորդորով։ Պատճառաբանությունը հետևյալն է. «Աշխատանքային պայմանավորվածությունների չկատարում, ծառայության անհամատեղելիություն»:

Քաղաքագետները Հայկազ Բաղմանյանի պաշտոնանկությունը քաղաքական իմաստով դրական են գնահատում։ Քաղաքական և ընտրական տեխնոլոգիաների փորձագետ Արմեն Բադալյանի խոսքերով՝ այս պաշտոնանկությունը տեղի է ունեցել հենց Սերժ Սարգսյանի իմացությամբ ու համաձայնությամբ. «Նախագահը երկրի Գերագույն գլխավոր հրամանատարն է, առանց նրա իմացության հնարավոր չէ։ Ինչ վերաբերվում է կոնկրետ այդ անձին, ապա բնական է, նոր նախարար է եկել ու ազատում է բոլոր այն գործիչներին, ովքեր ինքնուրույն են գործում ու իրեն հավասար քաղաքական կշիռ ունեն»։

Ըստ Բադալյանի՝ սա պարզապես Վիգեն Սարգսյանի քմահաճույքը չէր. «Ընդունված տարբերակ է, նախարարը նայում է, թե իր նախարարությունում ովքեր են ավելի օդիոզ կերպարներ և կարող են խոչընդոտել իր գործունեությունը։ Խնդիրը նրանց զբաղեցրած պաշտոնը չէ, այլ նրանց քաղաքական կշիռը և օդիոզ լինելու հանգամանքը։ Քաղաքական կշիռ նշանակում է, որ նա բանակում որոշակի ազդեցություն ունի, իսկ նախարարը դա հանդուրժել չի կարող։ Եվ հատկապես այն մարդուն, ով ոչ դրական ընկալում ունի հասարակության շրջանակներում»։

Արդյո՞ք սրանով Սերժ Սարգսյանը նաև 2018-ին ընդառաջ է խնդիրներ լուծում իր համար. «Չեմ կարծում, Հայկազ Բաղմանյանն այն գործիչը չէր, որ կարող էր Գերագույն գլխավոր հրամանատարի դեմ որևէ գործունեություն ծավալել կամ որևէ դավադրության մեջ մտնել։ Նա ունի քաղաքական կշիռ՝ գուցե համեմատած պաշտպանության նախարարի հետ, բայց հաստատ ոչ Սերժ Սարգսյանի։ Առավել ևս, ես միշտ ասել եմ՝ Հայաստանի ինքնուրույնության աստիճանն այնքան է ընկել, որ այդ հարցը Հայաստանի սահմաններից դուրս է լուծվելու՝ աշխարհաքաղաքական կենտրոնների հետ համաձայնությամբ։ Իսկ այդ գեներալն այն կշիռը չունի, որ իր խոսքն ավելին լինի, քան աշխարհաքաղաքական կենտրոնի հրահանգը։ Սա զուտ նախարար-բանակ հարաբերությունների կոնտեքստում կարող ենք դիտարկել»։

Քաղտեխնոլոգ Վիգեն Հակոբյանի կարծիքով՝ Բաղմանյանի պաշտոնանկությունը դրական է, և նման պաշտոնանկությունները պետք է շարունակական բնույթ կրեն. «Ինչքան շուտ բանակում բարձրաստիճան զինվորական կազմի սերնդափոխություն և պրոֆեսիոնալ ու անբիծ մարդկանցով համալրում լինի՝ այնքան լավ։ Սա կբերի նրան, որ բանակի հանդեպ վստահությունը կմեծանա։ Վերջին տարիներին, գիտեք, այդ վստահությունը սասանված էր։ Ես որպես երևույթ ու փաստ դրական եմ գնահատում, հասարակական պահաջն այս առումով արդարացված է»։

Վիգեն Հակոբյանը կարծում է, որ Սերժ Սարգսյանը սրանով նաև իր համար է խնդիր լուծում՝ 2018-ին ընդառաջ. «Ես կարծում եմ՝ սա համակարգային որոշում է։ Սերժ Սարգսյանը մի անգամ ասել է, որ իր ապագան կապում է անվտանգության և պաշտպանության խնդիրների հետ՝ համենայնդեպս, այդ ոլորտները լինելու են իր լիազորությունների շրջանակներում։ Եվ հիմա նա պատրաստում է համակարգային բարեփոխումներ այն ոլորտներում, ինչով ինքը զբաղվելու է նաև ապագայում։ Եվ հիմա նա այդ ոլորտներում բարեփոխումներ է իրականացնում։ Ես նույնիսկ հույս ունեմ, որ այս պրոցեսը շարունակական կլինի։ Հատկապես Ապրիլյան պատերազմից հետո նման պահանջ կա։ Անկախ նրանից, թե որքանով այս ամենում կա Սերժ Սարգսյանի մասնակցության չափը՝ այնուամենայնիվ ուղղված է նրան, որպեսզի բարձրացնի Վիգեն Սարգսյանի հեղինակությունը զուտ բանակում»։

Բաժիններ
Ուղիղ
Լրահոս
Որոնում