Լուրեր
Սեյրան Օհանյանը իշխանափոխություն կարող էր անել 2008թ-ին
  • 20:00
  • 2017-12-06
  • Դիտումներ՝ *

ԱԺ «Ելք» խմբակցության պատգամավոր Արամ Սարգսյանը բացառում է Նորքի զինված հանցախմբի գործում Սեյրան Օհանյանի մասնակցությունը։ «Առաջին լրատվական»-ի հետ զրույցում Արամ Սարգսյանն ասաց, որ Սեյրան Օհանյանը չէր կարող Վահան Շիրխանյանին իր համաձայնությունը տալ։

«Սեյրան Օհանյանը զինվորական է, մշտապես պետական մտածելակերպ ունեցող, պետական տրամաբանության մեջ գործող անհատականություն է։ Բացառում եմ, որ Սեյրան Օհանյանը կարող էր նման քայլի գնալ պաշտպանության նախարար եղած շրջանում։ Ինչի՞ համար են դատական գործընթացը այդ ուղիով տանում, էս երկրի հերթական անտրամաբանական քայլերից մեկն է,- շեշտեց նա։

Արամ Սարգսյանի դիտարկմամբ՝ իրական իշխանափոխություն անելու հնարավորություն եղել է 2008թ-ին՝ Լևոն Տեր-Պետրոսյանի նախագահական ընտրությունների մասնակցության ժամանակահատվածում, դրանից հետո հանրային ընդվզումների ժամանակ։

«Մարտի մեկի դեպքերից հետո քաղաք զորք իջեցվեց և իջեցվեց Սահմանադրությունը խախտելով, և էդ ժամանակ բանակի շտաբի պետը Սեյրան Օհանյանն էր և նա իշխանությունների տեսանկյունից հայտարարություն արեց, որ եթե 3-ից ավելի մարդ փորձեն քաղաքի փողոցներում ման գալ, իրենք ձերբակալելու են և համապատասխան տեղ են տանելու, որովհետև խախտելու են հատուկ դրության մասին օրենքը։ Սրանով ուզում եմ շեշտել է, որ Սեյրան Օհանյանը մշտապես իշխանության մեջ գտնվող մարդու մտածելակերպ ունեցող մարդ է, գործել է միմիայն, բացառապես էդ տրամաբանությամբ, երբեք չի փորձել այդ տրամաբանությունից դուրս գալ։ Պաշտպանության նախարար եղած ժամանակ անգամ Սեյրան Օհանյանի մտքով չէր անցնի իշխանափոխություն անել»,- ընդգծեց նա։

Մանրամասները՝ տեսանյութում։

  • Դիտումներ՝ *