ՊԵԿ պաշտոնյան ներկայացրել է ընթացիկ տարվա 11 ամիսների խոշոր հարկատուների տասնյակը

Ընթացիկ տարվա 11 ամիսների դրությամբ խոշոր հարկ վճարողների տասնյակը գլխավորում է «Գազպրոմ Արմենիա» ընկերությունը: Լրագրողների հետ հանդիպմանը տեղեկացրեց ՀՀ ԿԱ պետական եկամուտների կոմիտեի Խոշոր և միջին հարկ վճարողների տեսչության պետ Արմեն Սաֆարյանը: «2017 թվականի 11 ամիսների կտրվածքով ընկերության վճարած հարկերը կազմել են 37.5 միլիարդ դրամ»,-ասաց Արմեն Սաֆարյանը: Պաշտոնյայի տեղեկացմամբ` հունվար-նոյեմբերի արդյունքում խոշոր ու միջին հարկ վճարողների տասնյակն ունի հետևյալ տեսքը.

1. «Գազպրոմ Արմենիա» ՓԲԸ
2. «Գրանդ Տոբակո» ՍՊԸ
3. «Հայաստանի էլեկտրական ցանցեր»
4. «Զանգեզուրի պղնձամոլիբդենային կոմբինատ»
5. «Ֆլեշ» ՍՊԸ
6. «ԳեոՊրոՄայնինգ Գոլդ» ՍՊԸ
7. «Ալեքս Հոլդինգ» ՍՊԸ
8. «Ինտերնեյշնլ Մասիս Տաբակ»
9. «ՄՏՍ Հայաստան» ՓԲԸ
10. «Վեոն Ամենիա» ՓԲԸ (Արմենթել)

2017 թվականի հունվար-նոյեմբերին հարկային ընդհանուր մուտքերը կազմել են 483 միլիարդ դրամ, որը նախորդ տարվա նույն ժամանակաշրջանի համեմատ ավել է 39.9 միլիարդ դրամով կամ 9 տոկոսով: