Անհիմն և կեղծ պնդումները կրկնելը չի փոխհատուցում ԱՄՆ-ի վերջին տասնամյակների խոշոր ռազմավարական սխալներն Իրանի և տարածաշրջանի նկատմամբ: IRNA-ի հաղորդմամբ՝ այս մասին հայտարարել է Իրանի ԱԳՆ ներկայացուցիչն ի պատասխան ԱՄՆ պետքարտուղարի վերջին հակաիրանական մեղադրանքներին: Բահրամ Քասեմին հայտարարել է, որ Ռեքս Թիլերսոնի վերջին մեղադրանքներն Իրանի դեմ անհիմն մեղադրանքների անպետք փաթաթան են:
Երեքշաբթի Բրյուսելում ՆԱՏՕ-ի ԱԳՆ ղեկավարների հանդիպումից առաջ Ռեքս Թիլերսոնը ԵՄ դիվանագիտության ղեկավար Ֆեդերիկա Մոդգերինիի հետ հանդիպմանը նորից Իրանին մեղադրել է՝ պատասխանատու համարելով տարածաշրջանում ապակայունացնող գործողությունների համար:
«Այլ երկրների մեղադրանքը հին ցավերի և վերքերի դեմ միջոց չէ, որոնք մնացել են տարածաշրջանում ԱՄՆ-ի ագրեսիվ և ագահ քաղաքականությունից»:
«Նախքան ուշ կլիներ, պրն Թիլերսոնը լավ կլիներ՝ փորձեր իրողությունը և տարածաշրջանի պատմությունն իմանալ և վերլուծել ԱՄՆ քաղաքականությունը բոլոր հետևանքներով, որոնք հանգեցրել են սուր ճգնաժամերի և հարյուրավոր կանանց, երեխաների և անմեղ մարդկանց մահվան»,- ասել է Քասեմին:
«Իրանն ԱՄՆ միջամտության քաղաքականության, պետական հեղաշրջման և ԱՄՆ բռնապետության զոհերից մեկն է, բայց հայտնի է նաև որպես երկրներից մեկը, որոնք տարածաշրջանում և աշխարհում ահաբեկչության դեմ առաջատար պայքարում է»,- ասել է նա: