Եվրոպայի խորհրդի նախարարների կոմիտեն աննախադեպ դատական գործ է հարուցել ՄԻԵԴ Մեծ պալատում՝ կապված նրա որոշման չկատարման հետ։ Կոմիտեի վերահսկողական լիազորությունների շրջանակում ամենակոշտ միջոցառումն առաջին անգամ կիրառվել է Ադրբեջանի դեմ՝ ընդդիմադիր քաղաքական գործիչ Իլգար Մամեդովին ազատ արձակելուց իշխանությունների հրաժարվելու պատճառով։ Ընդդիմադրի գործը, ով ձերբակալվել էր, իսկ այնուհետև 2013 թվականին դատապարտվել 7 տարվա ազատազրկման, ՄԻԵԴ-ի կողմից ճանաչվել է «քաղաքականապես մոտիվացված»։ Նրան ազատազրկել են բլոգի համար, որը պարունակել է տեղեկություն նախագահական ընտրությունների ժամանակ երկրում իրադարձությունների մասին։
Ադրբեջանի նկատմամբ դատավարությունը Եվրոպայի խորհրդի նախարարական կոմիտեն նախաձեռնել է ՄԻԵԴ վճիռների իրագործման վերահսկման եռամսյակային նստաշրջանի ժամանակ, որը բացվել է դեկտեմբերի 5-ին։ Այս մասին հայտնում է Եվրոպայի խորհրդի մամլո ծառայությունը։
Ինչպես պարզել էր ՄԻԵԴ-ը, քաղաքական գործչի քրեական հետապնդման փաստացի նպատակը կայացել է նրանում, որպեսզի ստիպեն Մամեդովին լռել կամ պատժել նրան կառավարությանը քննադատելու համար։
Ադրբեջանի իշխանությունները ճանաչվել են Մարդու իրավունքների եվրոպական կոնվենցիայի 5-րդ, 6-րդ հոդվածների, ինչպես նաև 18-րդ հոդվածի (քրեական հետապնդման քաղաքական մոտիվացիայի մասին) խախտող։
2014 թվականի դեկտեմբերից նախարարների կոմիտեն բազմաթիվ որոշումներ ու միջանկյալ բանաձևեր է ընդունել՝ քաղաքական գործչի անհապաղ և անվերապահ ազատ արձակման կոչ անելով, սակայն նա շարունակում է կալանքի տակ մնալ։ Նախարարների կոմիտեն միջանկյալ բանաձև էր ընդունել հոկտեմբերին։ Ադրբեջանին նախազգուշացրել էին, որ եթե բանտարկյալն ազատ չարձակվի մինչ նոյեմբերի 29-ը, երկրի դեմ կարող է դատական գործ հարուցվել ՄԻԵԴ Մեծ պալատում՝ պետության կողմից Եվրոպական կոնվենցիայի խախտման վերաբերյալ։
Ադրբեջանի նախագահ Իլհամ Ալիևն ի պատասխան հայտարարել էր, որ Թորբյորն Յագլանդի գործունեությունը հանգեցրել է Եվրոպայի խորհրդի հետ Արդբեջանի հարաբերություններում արհեստական ճգնաժամի առաջացման և սպառնացել, որ կոնֆլիկտի սրացման դեպքում Ադրբեջանը կլքի այդ կազմակերպությունը, որի անդամ է հանդիսանում 2001 թվականից։