ԱԺ այսօրվա նիստում վերսկսվում է 2018 թվականի բյուջեի քննարկումը:
Ֆինանսների նախարար Վարդան Արամյանը տեղեկացրեց, որ ստացված առաջարկությունների մեծ մասը սոցիալ-տնտեսական էին. «Սակայն մեր հնարավորությունները քիչ են»:
Նրա խոսքով՝ իրենք առաջնորդվում են հարկային մուտքերի իրատեսականությունից. «Էնպես չլինի, որ ծախսերի մասով ստանձնենք պարտավորություններ, բայց չկարողանանք այդ հավաքագրումներն ապահովել»:
Ինչ վերաբերում է ջրի սակագնի սուբսիդավորմանը, Վարդան Արամյանն ասաց. «2019-ին մենք ունենք տնային աշխատանք՝ ավելի թիրախավորված կգնանք, սոցիալապես անապահովների համար հատուկ կարգ կսահմանվի»:
Ինչպես տեղեկացրեց ֆինանսների նախարարը՝ առողջապահության ոլորտի ծախսերը 4 մլրդ-ով ավելացրել են՝ ընդունելով պատգամավորների առաջարկները. «Մենք գնալու ենք համարձակ օպտիմալացումների: Ոչ թե մարդն է գնում փողի հետևից, որպեսզի ստանա իր առողջապահական ծառայությունը, այլ փողն է գնում մարդու հետևից, այսինքն՝ մարդն ինքն է ընտրում, թե որ հիմնարկում ինքը կարող է ստանալ պատշաճ սպասարկում»:
Նրա խոսքով՝ Ֆրանկոֆոնիայի միջոցառումը աննախադեպ է լինելու. «Մենք պետք է ունենանք բավարար միջոցներ՝ չնախատեսված ծախսերը լուծելու համար»:
Մանրամասները՝ տեսանյութում: