«Ելք»-ում տարաձայնություններ, անհամաձայնություններ գտնելու փորձերը իզուր են, ինչքան այդ խոսակցությունները շատանում են, «Ելք»-ում մթնոլորտն ավելի լավն է դառնում»։ Այս մասին «Առաջին լրատվական»-ի հետ զրույցում ասաց ԱԺ «Ելք» խմբակցության պատգամավոր Արամ Սարգսյանը, անդրադառնալով հարցին՝ արդյո՞ք խմբակցությունում տարաձայնություններ կան իր կողմից հնչեցրած հայտարարության հետ կապված, թե՞ Սերժ Սարգսյանի՝ ԵՄ-ի հետ համաձայնագրի ստորագրումը սխրանք է։
«Սխրանքի մասին պետք է ասեմ, որ ասել եմ՝ սխրանք էր իրենց համար, և լրատվամիջոցներից մեկով ուղղակի իրենց համար մասը հանվել է, դրա համար նման տպավորություն է ստեղծվել, դա միանշանակ սխրանք էր արտգործնախարարության համար, որովհետև իրենք մշտական հպատակն են եղել ռուսական արտգործնախարարության և քվեարկել են միշտ Լավրովի ասելով, ու եթե էդ ազդեցությունից դուրս գալը, էդ վախը հաղթահարելը սխրանք չէ, ապա ի՞նչ է, նույնը նաև կարծում եմ՝ Սերժ Սարգսյանի համար, որովհետև ակնհայտ է, որ ինչքան էլ Սերժ Սարգսյանը ասի, որ Ռուսաստանի նախագահ Պուտինը երբեք որևիցե անգամ չի կշտամբել Հայաստանին կամ իրեն՝ Եվրոպայի հետ համագործակցության առումով, ինքը՝ Սերժ Սարգսյանը, շատ լավ գիտի, և ինքն էլ մշտապես այդ տակտիկայից շատ լավ օգտվել է, իր հակառակորդներին կամ օպոնենտներին ոչ թե ուղիղ ասել է, այլ այդ խնդիրները լուծել է լրատվական դաշտով, ինչը վերջին օրերին մենք տեսնում ենք»,- շեշտեց նա։
Մանրամասները՝ տեսանյութում։
