ԱՄՆ-ը մտադիր է աշխատել ԵՄ-ի հետ Իրանի կողմից տարածաշրջանում ստեղծված խնդիրների լուծման վրա, հայտարարել է ԱՄՆ պետքարտուղար Ռեքս Թիլերսոնը ԵՄ դիվանագիտության ղեկավար Ֆեդերիկա Մոգերինիի հետ բանակցությունների արդյունքներով։
«Մենք քննարկել ենք մեր համատեղ ջանքերն Իրանի միջուկային խնդրի լուծման Գործողությունների համատեղ համապարփակ պլանի շրջանակում, որպեսզի Իրանը լիովին կատարի պլանի պայմանները, իրագործի այդ համաձայնագիրը։ Եվ միևնույն ժամանակ մենք խոստովանում ենք, որ Իրանը ձեռնարկում է տարածաշրջանում մի շարք ապակայունացնող գործողություններ»,-ասել է Թիլերսոնը լրագրողներին։
Նա նշել է, որը ԱՄՆ-ը տեսնում է դա Եմենից բալիստիկ հրթիռների արձակման օրինակի վրա, որոնք, ըստ ԱՄՆ-ի, ստացվել են Իրանի կողմից։ Նա հայտարարել է նաև Իրանի կողմից դեպի Սիրիա զենքի և գրոհայինների ուղարկման ապակայունացնող հետևանքների և լիբանանյան «Հըզբոլլահ» շարժմանը ցուցաբերվող օգնության շարունակման մասին։
«Այդ հարցերը, Իրանի գործողությունները չի կարելի ուշադրության չառնել և առանց պատասխանի թողնել։ Մենք կշարունակենք միջոցառումներ ընդունել, որպեսզի Իրանը հասկանա, որ դա անընդունելի է մեզ համար։ Մենք անհամբերությամբ սպասում ենք եվրոպացի գործընկերների հետ աշխատանքին, այդ թվում այդ հարցով»,-հայտարարել է ԱՄՆ պետքարտուղարը։