Մերձկասպյան երկրների ԱԳՆ ղեկավարների խորհրդակցությանը մասնակցելու համար, որը տեղի կունենա դեկտեմբերի 4-5-ին Մոսկվայում, Ադրբեջանի արտգործնախարար Էլմար Մամեդյարովը Ռուսաստան է մեկնել: Այս մասին հայտնում է Trend-ը՝ հղում անելով Ադրբեջանի ԱԳՆ-ին:
Ռուսաստանի, Ադրբեջանի, Իրանի, Ղազախստանի և Թուրքմենստանի ԱԳՆ ղեկավարների հանդիպումը տեղի կունենա 7-րդ անգամ: Նախարարների ուշադրությունը կենտրոնացած կլինի Կասպից ծովի իրավական կարգավիճակի մասին կոնվենցիայի վրա, նաև Կասպից ծովում տարբեր ոլորտներում հնգակողմ համագործակցությունը կարգավորող փաստաթղթերի վրա, որոնք կկարգավորեն այդ թվում՝ տնտեսությունը, տրանսպորտը, ռազմական նավագնացությունը, որսագողության դեմ պայքարը, նավագնացության անվտանգության ապահովումը և այլն:
Խորհրդակցության գլխավոր առաջադրանքն է՝ պատրաստվելը Ղազախստանում առաջիկա Կասպիական 5-րդ գագաթնաժողովին:
