Իսրայելցի զինվորականները, ովքեր երեկ հարված էին հասցրել սիրիական տարածքին, թիրախավորել են այդ երկրում գտնվող Իրանի ռազմաբազան։ Այս մասին հայտնում է The Times of Israel-ը։ Պարբերականը հստակեցնում է, որ Թել Ավիվը հրթիռներ է ուղղել հենց իրանական բազայի կողմը, որը գտնվում է Դամասկոսից հարավ-արևմուտք՝ Իսրայելի հետ սահմանից 50 կմ հեռու։
Իսրայելի վարչապետ Բենյամին Նեթանյահուն ավելի ուշ մեկաբանել է Սիրիային ուղղված այդ հարվածը։ «Մենք թույլ չենք տա, որպեսզի իրանական ռեժիմը, որը ձգտում է ոչնչացնել հերթական պետությունը, միջուկային զենք ձեռք բերի։ Մենք թույլ չենք տա, որպեսզի այդ ռեժիմը ռազմական առումով ամրապնդվի Սիրիայում»,-ասել է Նեթանյահուն։
Սիրիական հեռուստատեսության տվյալներով՝ Իսրայելի հրթիռային հարվածը հանգեցրել է նյութական կորուստների մայրաքաղաքի շուրջ գտնվող գյուղական տեղանքում։ Սիրիական ՀՕՊ համակարգերը հետ են մղել այդ հարվածը։