Թուրքիայի Էսքիշեհիր քաղաքի գլխավոր դատախազությունը մոտ 66 մարդու է ձերբակալել երկրում անցած տարվա հուլիսին պետական հեղաշրջման փորձին մասնակցության կասկածանքով: Այս մասին հայտնում է CNN Turk-ը:
50 մարդ կալանավորվել է: Նրանց կասկածում են ահաբեկչական կազմակերպության հետ կապ ունենալու մեջ:
Հեղաշրջման փորձից հետո Թուրքիայում ձերբակալվել է ավելի քան 50 000 մարդ, ձերբակալությունները շարունակվում են: Այսօր ավելի վաղ հայտնի դարձավ, որ Թուրքիայի իշխանությունները 360 մարդու ձերբակալության հրամանագիր են տվել, ովքեր կասկածվում են ընդդիմադիր իսլամական քարոզիչ Ֆեթուլահ Գյուլենի FETO կազմակերպության հետ կապերի և երկրում 2016 թ. պետական հեղաշրջման փորձին մասնակցության կասկածանքով։
