Ամերիկյան Coca-Cola կորպորացիայի բրիտանական մասնաճյուղը հայտարարել է մրցույթ սիրահար զույգերի համար, որի մրցանակը կդառնա ֆիրմային կարմիր բեռնատարում սուրբծննդյան գիշերն անցկացնելու հնարավորությունը։ Համապատասխան հայտարարությունը հրապարակվել է Late Rooms կայքում։
Ցանկացողները պետք է գրեն էսսե և պարզաբանեն, թե ինչու է հենց իրենց զույգն արժանի այդ մրցանակին։ Հաղթող կընտրվի մեկ զույգ, ում համար մեքենայում «համար» կնախապատրաստվի՝ բուխարիով, տոնածառով, մահճակալով ու սուրբծննդյան ֆիլմով, հյուրասիրությամբ, նվերներով։
Բեռնատարը հաղթող զույգին կսպասի Լոնդոնի կենտրոնում, իսկ մինչ այդ կշրջի բրիտանական այլ քաղաքներով՝ ուշադրություն գրավելու համար։
Լիվերպուլի իշխանությունները կոչ են արել քաղաքացիներին անտեսել Coca-Cola-ի ակցիան, քանի որ միջոցառումն անառողջ ապրելակերպ է քարոզում։