Facebook-ը հայտնել է ծրագրի գործարկման մասին, որը կօգնի կանխել ինքնասպանություններն օգտատերերի շրջանում, ասվում է ընկերության տարածած մամլո հաղորդագրությունում։
Ծրագիրը կհետևի օգտատերերի գրառումներում ինքնասպանության մտադրություններին։ Օրինակ, օգտատիրոջ էջում այնպիսի հարցերը, ինչպիսիք են «Քեզ մոտ ամեն ինչ կարգի՞ն է» կամ «Ես կարո՞ղ եմ օգնել», կլինեն ցուցիչներ, որոնք կգրավեն ծրագրի ուշադրությունը։
Այնուհետև տեղեկություններն այն էջերի մասին, որոնց տերերը, ըստ ծրագրի, կարող են ինքնասպանություն գործել, փոխանցվում է մասնագետների խմբին, որոշ դեպքերում նաև իշխանություններին։
Նշվում է, որ ծրագիրը փորձարկվել է ԱՄՆ տարածքում, և մոտ ժամանակներս կգործարկվի նահանգների սահմաններից դուրս։