ՌԴ ԱԳՆ-ը չի ստացել Ադրբեջանից հաստատում՝ Գեորգի Զուևին նոր դեսպան նշանակելու հետ կապված։ Այս մասին haqqin.az-ին հայտնել են ՌԴ ԱԳՆ աղբյուրները։
Հարկ է նշել, որ համաձայն դիվանագիտական հարաբերություններին առնչվող կանոնների՝ դեսպանի նշանակումից առաջ ընդունող կողմից հայցում են ագրեման (համաձայնություն)՝ այսինքն՝ հավատարմագրերի հանձնման նախնական համաձայնություն։
Ադրբեջանը հրաժարվել է ագրեման տրամադրել Գեորգի Զուևին, ինչը ԶԼՄ-ները կապում են նրա՝ վառ արտահայտված հայամետ դիրքորոշման հետ։
Ավելի վաղ Զուևի թեկնածությունը հաստատել էր ԱՊՀ հարցերով Պետդումայի կոմիտեն։
Զուևը հանդիսանում է փորձառու դիվանագետ և ներկայում զբաղեցնում ՌԴ ԱԳՆ կադրերի բաժնի փոխտնօրենի պաշտոնը։
Այսօր ավելի վաղ Ռուսաստանի նախագահ Վլադիմիր Պուտինը հետ է կանչել Վլադիմիր Դորոխինին Ադրբեջանում դեսպանի պաշտոնից։
