Google ընկերությունը հայտարարել է, որ պատրաստվում է փակել որոնողական կայքի ղազախերենով տարբերակը, քանի որ տեղի իշխանություններն օրենսդրական սահամանափակումներ են մտցրել այդ ընկերության գործունեության համար: Այս մասին ասվում է Google-ի պաշտոնական կայքում:
Google.kz կայքը բացելիս օգտատերերն ավտոմատ կստանան Google.com կայքը, որը թարգմանված է ղազախերենով: Մեկ ամիս առաջ Google-ի ներկայացուցչին տեղեկացրել են, որ .kz տիրույթում գտնվող բոլոր կայքերի սերվերները պետք է ֆիզիկապես տեղակայված լինեն Ղազախստանի տարածքում, ինչը Google-ի համար անընդունելի է եղել:
Google-ում նաև ասել են, որ Google.kz կայքը փակելուց հետո տեղի օգտատերերի որոնողական արդյունքները փոքր-ինչ կընկնեն, քանի որ դրանք պայմանավորված չեն լինի այլևս տեղական առանձնահատկություններով: