«Քաջատեղյակ եմ, թե ինչ է տեղի ունենում մեր երկրում և այդ առումով չեմ կարող չհայտնել իմ դժգոհությունը. ես շատ անբավարար եմ, որովհետև ես շատ անօգնական եմ, խոցելի եմ: Իմ ես-ի մեջ կա տարբեր արվեստագետների ներկայություն և ես հիմա չեմ խոսում միայն իմ անունից. մենք չենք կարողանում նկարել լավ կինո, մենք չենք կարողանում աճեցնել լավ երաժիշտներ և այլն, այսինքն` այո, այս առումով պետական աջակցության դերը շատ մեծ է արվեստի տարբեր ճյուղերի զարգացման հարցում, առանց որի ես չեմ պատկերացնում, թե ինչ կլինի վաղը»,- «Առաջին լրատվական»-ի հետ զրույցում ընդգծեց երգչուհի Էմմա Պետրոսյանը` խոսելով կառավարության կողմից մշակույթին, կրթությանն ու գիտությանը պետբյուջեից հատկացվող գումարների տարեցտարի կրճատման մասին:
Երգչուհու խոսքերով` շատ դրական է, որ հատկապես վերջին տարիներին համերգներով Հայաստան են ժամանում աշխարհի տաբեր երկրների երաժիշտներ, երգիչներ, սակայն միայն դա բավարար չէ: Վերջինս համոզված է, որ նախևառաջ անհրաժեշտ է զարգացնել ու տարածել քո երկրի մշակույթը:
«Զարգացնել երաժշտությունը միայն ռեստորաններում զվարճանքների համար` դա երաժշտություն չէ, այլ ընդամենը դրա տակ կարելի միայն պարել այս կամ այն ռեստորանում, բայց դա տանել և աշխարհով մեկ ի ցույց դնել, ապա ներողություն եմ խնդրում, բայց ոչ, այդպես չի կարելի»,- շեշտեց Էմմա Պետրոսյանը:
Նրա գնահատմամբ` այսօր Հայաստանում արվեստագետներից ոմանք խոցելի են` առջին հերթին հենց ֆինանսական խնդիրների պատճառով:
«Շատերը կան, որ չեն կարող բարձրաձայնել` օգնեք ինձ, այլ նրանք գերադասում են փակվել իրենց տներում և բավարարվել մեկ հացով»,-նկատեց նա:
Մանրամասները` տեսանյութում:
