Լոս Անջելեսի ոստիկանությունը փնտրում է կողոպտիչներին, ովքեր ներթափանցել են Լոս Անջելեսում հայ ընտանիքի պատկանող ալկոհոլային խմիչքների արտադրության գործարանի տարածք և այնտեղից տարել 1800 շիշ օղի։
«Անհայտ անձիք ներխուժել են գործարանի տարածք լույս չորեքշաբթի գիշերը և տարել գրեթե ողջ ալկոհոլը։ Տեսահսկման խցիկներն արձանագրել են գողերին»,-ամերիկյան KTLA հեռուստաալիքին պատմել է գործարանի սեփականատերերի մեկը՝ Արտ Ղուկասյանը։
Ղուկասյանի խոսքով՝ գործարանին հասցված վնասի չափը կազմում է 280 հազար դոլար։
Ոստիկանությունը կարծում է, որ չարագործները չեն կարող իրացնել գողացված խմբաքանակն առանց համապատասխան փաստաթղթերի։