Հնդկաստանի առողջապահության նախարարի շուրջ սկանդալ է հասունանում. քաղաքական գործիչը հայտարարել է, որ բոլոր ծանր հիվանդութունները, ինչպիսին քաղցկեղն է, «աստվածային արդարություն են գործած մեղքերի համար»։ Այս մասին հայտնում է Times of India-ն։
«Աստված պատժում է մեզ մեղքերի համար։ Երբեմն մենք հանդիպում ենք երիտասարդների, ովքեր հիվանդ են քաղցկեղով, ինչպես նաև նրանց, ովքեր վթարի են ենթարկվում։ Եթե անդրադառնաք անցյալին, կգաք եզրակացության, որ նրանց հետ տեղի ունեցողն աստվածային արդարության դրսևորում է, ոչ ավելին»,-ասել է նախարարը։
Նա նշել է, որ մարդը կարող է հիվանդանալ ոչ միայն սեփական մեղքերի, այլև ծնողների գործած մեղքերի պատճառով։
Նրա ոչ միանշանակ խոսքերը վրդովմունքի ալիք են բարձրացրել հնդկական հասարկությունում։ Ոմանք նախարարին հրապարակավ ներողության կոչ են արել, իսկ ոմանք պարզապես սահմանափակվել քաղաքական գործչի խոսքերի հանդեպ հիասթափության արտահայտմամբ։