Թուրքիայի նախագահ Ռեջեփ Թայիփ Էրդողանը ծրագրում է պաշտոնական այց կատարել Հունաստան։ Ինչպես հայտարարել է փոխվարչապետ Հաքան Չավուշօղլուն, դա կլինի այդ երկիր թուրք առաջնորդի առաջին այցը 65 տարում։
«Կարծում եմ՝ այն (ուղևորությունը) շատ կարևոր կդառնա մեր երկրների միջև համագործակցության համար»,-քաղաքական գործչի խոսքն է մեջբերում Milliyet-ը։
Էրդողանը 2010 թվականին արդեն այցելել է Աթենք, երբ հանրապետության վարչապետն էր։
Թուրքիայի և Հունաստանի հարաբերություններում մինչ օրս որոշակի լարվածություն է պահպանվում։ Դա վերաբերվում է այդ թվում Աթենքի կողմից FETO կազմակերության անդամներին ապաստան տրամադրելուն, որին Անկարան մեղադրում է 2016 թվականի հուլիսին Թուրքիայում կատարված հեղաշրջման փորձի մեջ։