«Ողջունելի է, որ զենքի դիմած տղաները, ովքեր իրենց անձը զոհաբերցին դետոնատար հանդիսանալու համար, որպեսզի ժողովրդին բարձրացնեն, այսօր նաև քաղաքականապես են հասունանում և տեսնում են այդ կարմիր գիծը»,- «Առաջին լրատվական»-ի հետ զրույցում ասաց ազատամարտիկ, ԱԻՄ անդամ Գագիկ Սարուխանյանը՝ անդրադառնալով «Սասնա ծռերի» կոչին, որով դիմում են «իրենց ընդդիմադիր համարող» քաղաքական ուժերին։
Հիշեցնենք, որ հայտարարության մեջ նշում է, որ իրենց ընդդիմադիր համարող գործիչները պարտավոր են դուրս գալ գաղութային համակարգից և միասնաբար լծվել ազգային օրակարգի առաջնահերթ՝ Ռուսաստանից ապագաղութացման (Armexit) հարցի լուծման գործին։
«Որոշակի դրական քայլ կարող է լինել նաև վաղը, երբ Ռուսաստանի կայսրությունը «դաբրո» է տվել Սերժ Սարգսյանին, որ այնուամենայնիվ այդ համաձայնագիրը ստորագրի։ Ինձ թվում է, որ քաղաքակիրթ աշխարհի, համաշխարհային հանրության կողմից պարտադրված պրոցեսներն են, որ ոչ թե ստիպել են Սերժ Սարգսյանին ստորագրել, այլ ստիպել են Պուտինին թույլ տալ»,- ընդգծեց ազատամարտիկը։
Մանրամասները՝ տեսանյութում: