«Ամենայն հավանականությամբ ես կդիմեմ ՀՀ գլխավոր դատախազին Տիգրան Մուկուչյանի հանդեպ քրեական գործ հարուցելու համար՝ պաշտոնեական դիրքերը չարաշահելու, քաղաքացիների իրավունքները ոտնահարելու մասով գործողություններ կատարելու կամ անգործություն դրսևորելու հարցով»։ Այս մասին «Առաջին լրատվական»-ի հետ զրույցում ասաց ԱԻՄ առաջնորդ Պարույր Հայրիկյանը, ով դեռ հացադուլի մեջ է և պահանջում է, որպեսզի իրեն տրամադրվի ձևաթուղթ սահմանադրական փոփոխություններ նախաձեռնելու նպատակով։
«Պարզվում է՝ մենք աջակիցների հսկայական բանակ ունենք, հիմնական խնդիրն այն է, որ իրենք չեն հասկանում օրենքի և իրավունքի տարբերությունը։ Չեն հասկանում, որ օրենքը պետք է ենթարկվի իրավունքին, և ոչ թե իրավունքը սահմանափակվի օրենքով։ Այսօր այդ ամենի ձևակերպումն են ստացել մի խումբ աջակից, համակիր իրավաբաններից։ Իրենք ավելի են հստակեցնում մասնավորապես այն, որ ԿԸՀ-ն իրավունք չունի, հղում կատարելով ինչ-որ օրենքի բացակայությանը, սահմանափակել մեր իրավունքները։ Այստեղ շատ կարևոր է այն, որ ՀՀ-ն միջազգային պարտավորվածություններ ունի, որոնք օրենքից բարձր են, և Տիգրան Մուկուչյանը փաստորեն հակադրվում է ՀՀ ընդունած գերակա օրենքներին»,- շեշտեց նա։
Մանրամասները՝ տեսանյութում: