Այս տարվա ամռանը լուսանկարիչ Հիզեր Ուիթթենն Արիզոնայից Facebook-ում լուսանկար էր հարապարակել, որն արագորեն վիրուսային էր դարձել, հայտնում է TwentyTwoWords պարբերականը: Լուսանկարում նրա որդին՝ Ֆոքսը, լոգարանում նստած է հոր ծնկներին. տղան սալմոնելլոզով էր տառապում, իսկ տղամարդը փորձել էր մեղմացնել որդու ցավը: Հիմա Հիզերին դատում են ծնողական պարտականություններն անտեսելու համար:
Հիզեր Ուիթթենի հրապարակած լուսանկարը դիտվել է մոտ 9 մլն անգամ և ունեցել է 140 000 «հավանում»: Facebook-ի ղեկավարությունը կնոջ փոստն անտեղի է համարել և ջնջել է այն: 4 երեխայի մայրը չի հասկացել՝ լուսանկարն ինչու է վրդովմունք առաջացրել և նորից այն հրապարակել է սոցցանցում: Դրանից կարճ ժամանակ անց Ուիթթենի տուն ստուգելու են գնացել. ինչ-որ մեկը Հիզերի վարքից բողոքել է տեղի խնամակալության օրգաններին:
Հիզերը պատմել է, որ տեսուչների այցի ժամանակ որոշել է կրծքով կերակրել իր երկվորյակներին, դա Երեխաների պաշտպանության դեպարտամենտի համբերության լցված բաժակի վերջին կաթիլն է դարձել: Ըստ դեպարտամենտի՝ լուսանկարը հրապարակելով՝ Հիզերը երեխայի կյանքը վտանգել է: Եթե տեսուչները շահեն դատը, նա 25 տարով կկորցնի որդեգրման և մանկական հաստատություններում աշխատելու իրավունքը: