«Հիմա ինչ-որ հարաբերական անդորր կա, բայց այդ անդորրը բավարար չէ, որպեսզի այդ հակասությունը ցրվի, որովհետև սոսկ կադրային հակադրությունների հետ գործ չունենք, այլ գործ ունենք ռեալ շահերի բախման հետ»,- «Առաջին լրատվական»-ի հետ զրույցում ասաց քաղաքական մեկնաբան Լևոն Մարգարյանը: Նրա խոսքերով՝ այն էնտուզիազմը, որով Կարեն Կարապետյանը մտել էր քաղաքական կյանք, չկա, նա փորձում է փափուկ խոսել, կոմպրոմիսային լինել:
«Եթե ուշադիր մոնիթորինգ անենք այն մեսիջները, որոնք իր աջակիցներն ու իր թիմն են մամուլ նետում, կտեսնենք, որ այդ հակադրության մեջ իրենք բավականին մեղմացրել են իրենց խաղադրույքները, և միայն այն հանգամանքը, որ արդեն իսկ խոսվում է, որ ինքը և իր հիմնական աջակիցը՝ Սամվել Կարապետյանը պատրաստ են Սերժ Սարգսյանին դիտարկել որպես վարչապետի թեկնածու, արդեն իսկ դրա վառ վկայությունն է, բայց սա ևս բավարար չէ ասելու, որ կոնֆլիկտ և բախում չկա»,- ասաց Լևոն Մարգարյանը՝ հավելելով, որ թե՛ Սերժ Սարգսյանը և թե՛ Կարեն Կարապետյանը կցանկանային, որպեսզի իշխանությունը չկիսեին, որևէ մեկին մասնաբաժին չտային:
Նա նաև նշեց, որ չի բացառվում ֆորս մաժոր, հանրապետականից ավելի ուժեղ թվացող քաղաքական կառույցներ են քանդվել. Չկա գաղափարախոսություն, չկա ծրագիր, իրենց միավորել է այն, որ իրենք կորցնելու բան ունեն:
Հարցազրույցն ամբոջությամբ՝ տեսանյութում:
