«Մենք չէինք սպասում, որ Ռուսաստանը այսպես ուղիղ պրոպագանդա կուղղի իր հարավկովկասյան միակ ռազմավարական դաշնակցի, իր եվրասիական գործընկերոջ կամ ինչպես իրենք են ասում՝ եղբայրական պետության դեմ»,- «Առաջին լրատվական»-ի հետ զրույցում նման տեսակետ հայտնեց ԵՊՀ Եվրոպական ուսումնասիրությունների կենտրոնի փորձագետ Արմենակ Մինասյանցը՝ անդրադառնալով ռուսական լրատվամիջոցների հրապարակումներին և մասնավորապես «Զվեզդա» հեռուստաալիքի սկանդալային թողարկմանը։
Մեր զրուցակիցը նշում է, որ հաշվի առնելով հայ-ռուսական հարաբերությունների որակն ու մակարդակը՝ անսպասելի էր, մեդիա մակարդակում, պրոպագանդիստական դաշտում դա առաջին լուրջ հարվածն էր:
«Մտավախությունն այն է, որ անկախ այդ համաձայնագրի որակից՝ ռուսական կողմից կա այլ խնդիր։ Վստահ եմ, որ իրենք համաձայնագրի բովանդակությանը ծանոթ են, և եթե ֆորս-մաժոր չլինի, այն անպայման կստորագրվի։ Բայց օրինակ՝ ձեզ մոտ չի՞ լինում, երբ ամեն ինչ լավ է լինում, ասում ես՝ բայց ինչպե՞ս է, որ ամեն ինչ լավ է, ինչ-որ բան այն չէ, տեսնես՝ ինձ որտեղ են ուզում խաբած լինել։ Շատ պարզ ու հստակ տեքստով ասվել է, որ սա չի հակասում մեր ԵԱՏՄ պարտավորություններին, պարզապես այդ ջղաձգումները ցույց են տալիս, որ կա ներքին տագնապ»,- ընդգծեց փորձագետը։
Հարցազրույցն ամբողջությամբ՝ տեսանյութում: