ՀՀ ԱԳ նախարար Էդվարդ Նալբանդյանը ՌԴ արտգործնախարար Սերգեյ լավրովի հետ երևանյան համատեղ մամուլի ասուլի ժամանակ հայտարարեց. «Ինչ վերաբերում է Ադրբեջանից հնչող հայտարարություններին, թե իբր մենք անընդհատ քննարկում ենք ՄԱԿ-ի Անվտանգության խորհրդի [չորս] բանաձևերի ինչ-որ դրույթների կատարման հարցը, ապա որքան ես եմ հիշում՝ վերջին 10 տարվա ընթացքում մենք ընդհանրապես նման հարց չենք քննարկել, որովհետև ՄԱԿ-ի Անվտանգության խորհրդի բանաձևերը չէին վերաբերում հիմնախնդրի կարգավորմանը, այլ վերաբերում էին ռազմական գործողությունների դադարեցման հարցին, և հիմա ռազմական գործողությունները դադարեցված են: Իսկ ինչ վերաբերում է կարգավորման սկզբունքներին, տարրերին, ապա դրանք ներառված են այն բազմաթիվ աշխատանքային փաստաթղթերում, որոնք ներկայացվել են համանախագահների կողմից, և այդ առաջարկների էությունը հնչեցվել է այդ թվում նաև համանախագահող պետությունների նախագահների 5 հայտնի հայտարարությունների մեջ»: