Երևանի Բաղրամյան պողոտայում պայթել է Mersedez Benz մակնիշի ավտոմեքենա, ինչի հետևանքով այն ամբողջությամբ այրվել է: ՀՀ արտակարգ իրավիճակների նախարարի մամուլի քարտուղար Նանա Գնդոյանը տեղեկացրեց, որ նախնական տվյալներով՝ պայթյունը տեղի է ունեցել վառելիքի արտահոսքի հետևանքով:
«Այդ մեքենայի դիմացը կանգնած է եղել նաև Nissan March մակնիշի ավտոմեքենա, որին ևս կրակն անցել է, սակայն Nissan March-ի միայն բեռնախցիկն է այրվել»,- ասաց Գնդոյանը:
Միջադեպի հետևանքով զոհեր և տուժածներ չկան: ԱԻ նախարարի մամուլի խոսնակը հայտնեց, որ նշանակվել է հրդեհատեխնիկական քննություն` պայթյունի պատճառները պարզելու համար:
