«Հանուն Հայաստան պետության ճակատը» արտաքին վեկտորի՝ այս կամ այն ուղղությամբ կողմնորոշում չունի»,- այս մասին «Առաջին լրատվական»-ի հետ զրույցում ասաց ճակատի անդամ Դավիթ Սանասարյանը՝ անդրադառնալով հարցին՝ Հայաստան-ԵՄ համաձայնագրի կնքումը ողջունելով՝ արդյոք հստակեցնո՞ւմ են արտաքին վեկտորը, թե՞ ոչ։
«Հավաքված են մարդիկ, որոնք տարբեր քաղաքական ուղեգծեր են ունեցել, պարզապես մենք բոլորս համաձայնել ենք, որ հավասարակշռված արտաքին քաղաքականության կողմնակիցն ենք, այսինքն՝ պետք է կախվածություն չլինի ՌԴ-ից, հարաբերությունները պետք է զարգանան և՛ ԵՄ-ի, և՛ մյուս միավորների, պետությունների հետ, բայց դրանք չպետք է լինեն ուղղահայաց, դրանք պետք է լինեն հորիզանական»,- շեշտեց նա։
Դավիթ Սանասարյանն ասաց, որ ինչպես հայտարարության մեջ նշել ենք, մեծ ակնկալիքներ չունեն, որ Հայաստանի իշխանությունները որևէ լուրջ դերակատարություն են իրականացնելու, բայց ԵՄ-ի հետ Շրջանակային համաձայնագիրը հնարավորություն է, որից հետագայում ինքներս ենք օգտվելու։ Սանասարյանի խոսքով՝ ԵՄ-ի հետ հարաբերություններով իշխանություններին զսպող մեխանիզմներ կլինեն, ինչ վերաբերում է նրանց գոտիները ձգելուն՝ ապա ինքներս պիտի անենք։
Մանրամասները՝ տեսանյութում:
