ԱՄՆ կառավարությունն ու ԱՄՆ նախագահ Ջոն Քենեդին 1962 թվականին լրջորեն դիտարկել են Խորհրդային միության հետ պատերազմ սանձազերծելու հնարավորությունը։ Նման տեղեկություններ են պարունակվում Քենեդու սպանության մասին ԱՄՆ Ազգային արխիվի կողմից գաղտնազերծված ու հրապարակված փաստաթղթերի հերթական խմբաքանակում։
«1962 թվականի մարտի 22-ի հանդիպման ժամանակ գլխավոր դատախազն առաջարկել էր դիտարկել խորհրդային ինքնաթիռների արտադրության կամ ձեռքբերման հնարավորությունները»,-ասվում է The Daily Caller պարբերականի նյութում։
Նշվում է նաև, որ խորհրդային տեխնիկայի օգնությամբ ամերիկացիները ծրագրել էին հանկարծակի հարձակում թշնամական օբյեկտների կամ սադրիչ գործողությունների նկատմամբ։
Այդ թեմայի քննարկմանը մասնակցել են նախագահ Ջոն Քենեդին, նրա եղբայրը՝ գլխավոր դատախազ Ռոբերտ Քենեդին, պետքարտուղար Դին Ռասկը, ԿՀՎ տնօրեն Լայման Լեմնիտցերը։
Սակայն արդյունքում ամերիկյան կառավարությունը որոշում էր ընդունել հրաժարվելու այդ պլանից։
Նոյեմբերի 17-ին ԱՄՆ Ազգային արխիվը հրապարակել էր ԱՄՆ 35-րդ նախագահի սպանության մասին ՀԴԲ ևս 10.74 հազար փաստաթուղթ։ Խմբաքանակի հրապարակումը դարձել է այս տարվա ընթացքում արդեն 5-րդը։