ԱՄՆ Արդարադատության նախարարությունը ծրագրում է մեկ ամսվա ընթացքում հրապարակել մի քանի գործեր, որոնք առնչվում են Իրանի իշխանություններին և նրա մի քանի քաղաքացիներին։ Այս մասին հայտնում է The Washington Post-ը՝ հղում անելով իր աղբյուրներին։
Որոշ իրավապահներ մտավախություն ունեն, որ նման հրապարակայանացումը կարող է օգտագործվել նախագահ Դոնալդ Թրամփի վարչակազմի կողմից՝ Կոնգրեսին Թեհրանի դեմ նոր պատժամիջոցների սահմանման հարկադրելու համար։
Արդարադատության նախարարությունում հրաժարվել են մեկնաբանել այդ տեղեկությունը։
Հետաքննություններից մեկը, որը կարող է հրապարակվել, կապված է 2017 թվականի ամռանը HBO հեռուստաալիքի վրա կատարված կիբերհարձակման հետ, երբ ցանցահենները գողացել էին «Գահերի խաղը» սերիալի 7-րդ եթերաշրջանի սցենարներն ու դրանց դիմաց փրկագին պահանջել։
Նոյեմբերի 7-ին ԱՄՆ-ը մեկ տարով երկարացրել է Իրանի դեմ պատժամիջոցների գործողությունը, որոնք առաջին անգամ սահմանվել էին դեռևս 1979 թվականին։
