Չինաստանում ռոբոտ-ատամնաբույժն ինքնուրույն հաջող վիրահատություն է կատարել։ Ռոբոտը հիվանդին իմպլանտավորել է՝ տեղադրելով եռաչափ տպիչով տպված երկու ատամ։ Ինչպես հայտնում է South China Morning Post-ը, գործընթացը տևել է մոտ 1 ժամ։
Արհեստական ատամներն իմպլանտավորվել են 0,2−0,3 մմ անճշտությամբ, ինչը նորմա է հանդիսանում այդ տեսակի վիրաբուժական միջամտությունների համար։ Նշվում է, որ սկզբում բուժանձնակազմն իրականացրել է ռոբոտի աշխարտանքի կարգավորումներ, ծրագրավորել շարժումները՝ ճիշտ աշխատանքի համար։
Պարբերականը նշում է, որ տեխնոլոգիան մշակվել է Չինաստանում որակավորված ատամնաբույժների սղության և մարդկային գործոնով պայմանավորված սխալների վերացման համար։