Ֆրանսիայում միջնադարյան տեխնոլոգիաներով ամրոց են կառուցում արդեն 20 տարի։ Բուրգունդիայում շինարարությունը սկսվել էր 1997 թվականին։ Մի խումբ արկածախնդիրներ մտադիր են պարզել, թե ինչպես կարելի է միջնադարյան ամրոց կառուցել՝ օգտագործելով բացառապես այն նյութերն ու տեխնոլոգիաները, որոնք հասանելի են եղել եվրոպացիներին XIII դարում։
Հանձնարարությունը բարդ է՝ հաշվի առնելով նաև այն, որ միջնադարյան շինանյութերից շատերն արդեն չեն ճարվի շինանյութի խանութներում։
Շինարարությունն ընթանում է Փարիզի մոտակա Սեն-Աման-ան-Փյուիզե քաղաքից ոչ հեռու։ Շինարարության տարածքը տրամադրել է նախագծի նախաձեռնողներից մեկը՝ Միշել Գիյոն, ով այդ տարածքում արդեն ևս մեկ միջնադարյան ամրոց ունի։
Ֆինասավորումը ստանձնել են տեղացի կին ձեռնարկատեր Մարիլին Մարտինը և տեղի շինարարական ասոցացիան։ Դրան գումարած, ֆինանսական միջոցներ են ստացվում նաև զբոսաշրջիկների այցելություններից։
Ամրոցի կոնստրուկցիան բնորոշ է այն ժամանակվան և հիմնված է ճանրտարապետական կանոնների վրա, որոնք ձևավորվել էին XIII դարի սկզբին՝ Ֆիլիպ II Ավգուստ թագավորի օրոք։ Հենց այդ ժամանակ են սկսել Ֆրանսիայով մեկ կառուցել ռազմական պաշտպանական կառույցներ, որոնք ստեղծվել են միևնույն պլանով։
Այսօր կառույցի վրա աշխատում է 55 մարդ, դրա ավարտը սպասվում է 2023 թվականին։