«Թացը չորի հետ չպետք է խառնել, անիմաստ բաներ չանենք, թոզ չփչենք մեր հասարակության, հենց թեկուզ ԵՄ-ի աչքին, մարդկանց ականջներին լապշա չկախենք․ ներկա օրենքով կարելի է կարգավորել թե՛ բժիշկների դեմ բռնության և թե՛ ընտանիքում բռնության հարցերը»։ Այդ մասին «Առաջին լրատվական»-ի հետ զրույցում ասաց «Անկախ դատավոր» ԻՀԿ նախագահ, փաստաբան Պարգև Օհանյանը՝ հավելելով, որ կարելի է ին-որ կետեր փոխել, բայց առանձին օրենքներ ընդունելու իմաստ չկա, եղածը պետք է գործածել։
«Բռնությունը բռնություն է, և պետք չի շատ կառչել, խնդիրը նա է, թե ինչ մեխանիզմներ են լինելու, թող լինի այն, ինչն օգտակար կլինի հասարակության, ընտանիքի համար։ Համեմատություն եղավ բժշկին պատշարի հետ, թողնենք ուսուցչին կարող ենք համեմատել․ աշակերտները բռնություն են գործում ուսուցչի նկատմամբ, ցավոտ բան է, աշակերտը, որը դեռ սուբյեկտ էլ չի, 14 տարեկան է կամ 14 էլ չէ, բայց այդ արարքի սուբյեկտ չէ։ Հիմա եկեք դրա համար էլ մի առանձին օրենք մշակենք, որովհետև դա շատ լուրջ է։ Եթե սենց ձնագնդի էֆեկտով գնանք, ուրեմն առանձին-առանձին օրենքներ պիտի ընդունենք»,- շեշտեց նա։
Մանրամասները՝ տեսանյութում։