«ԵՄ-ն Եվրոպայի հետ ոչ մի կապ չունի, եթե մենք ԵՄ-ին դնում ենք Եվրոպայի տեղը, դա նույնն է, թե Աստծո տեղը երկրպագես սատանային, պետք է ոչ թե միանալ ԵՄ-ին, այլ դրան դիմադրողներին»,- այս մասին «Առաջին լրատվական»-ի հետ զրույցում ասաց «Հոգևոր Հայաստան» նախաձեռնության աջակից, «Ղարաբաղ» կոմիտեի անդամ Աշոտ Մանուչարյանը։ Նա ընդգծեց, որ քաղաքական ընտրանին անընդհատ փոթորիկների մեջ է և ի վիճակի չէ այս ամենը հասկանալ։
«Եվրոպական միությունը թշնամին է Եվրոպայի, Եվրոպան ոչնչացնողն է, դա «Սորոսների», «Քլինթոնների», «Նեթանյահուների» համակարգ է։ Ովքեր են այս մարդիկ․ նրանք համաշխարհային ֆինանսական օլիգարխիայի ներկայացուցիչներ են։ ԵՄ-ն հանդիսանում է այդ օլիգարխիայի գործիքը, որպեսզի իրեն ենթարկի Եվրոպան։
Եվ այսպես ԵՄ-ն կազմաքանդում, ոչնչացնում է համաշխարհային մշակույթի կենտրոն Եվրոպան, որը մարդկության համար խիստ կարևոր է, դրա փոխարեն դնում է առանձին բզկտված մարդկանց, մի քանի մարդուկների, որոնք մշակույթի կրողը չեն, որոնք եվրոպական ինքնությունների կրողը չեն։
ԵՄ կազմակերպածներից է, որ փախստականների հոսքը գնա, քանի որ Եվրոպան ուզում են վերածել խառնարանի, որտեղ բոլոր մշակույթները խառնվում են։ Շատ բարձր բան է արաբական մշակույթը, շատ բարձր մշակույթներ կան աշխարհի ամենատարբեր երկրներում, որտեղից փախստականների հոսքը ուղղվում է դեպի Եվրոպա։ Լինի դա Աֆրիկայում կամ Ասիայում՝ երբ ժողովուրդները իրար խառնվում են, վերածվում են ինչ-որ էրզաց բաների կրողների»,- շեշտեց նա։
Մանրամասները՝ տեսանյութում։
