Զիմբաբվեի իշխող ZANU-PF կուսակցության (Զիմբաբվեի աֆրիկյան ազգային միություն-Հայրենասիրական ճակատ) ղեկավարությունը որոշում է ընդունել երկրի նախկին փոխնախագահ Էմերսոն Մնանգագվային նախագահի պաշտոնում առաջադրելու վերաբերյալ։ Այս մասին հայտնում է RIA Novosti-ն։
Համապատասխան բանաձևն ընդունվել է կուսակցության հատուկ նիստի արդյունքներով։
Ավելի վաղ երկրի նախագահ Ռոբերտ Մուգաբեն հեռացվել էր կուսակցության ղեկավարի պաշտոնից։ Բացի այդ, կուսակցությունում նրան կոչ են արել հրաժարական տալ մինչ երկուշաբթի ժամը 12.00-ն (Երևանի ժամանակով 14.00-ն)։Եթե Մուգաբեն հրաժարվի դա անել, կսկսվի իմփիչմենթի ընթացակարգ։
Նախագահը ներկայում գտնվում է տնային կալանքի տակ։ Ի նշան բողոքի՝ նա հացադուլ է հայտարարել։ Մուգաբեի կինը՝ Գրեյսը, նույնպես կալանավորված է։ Նա նույնպես հեռացվել է կուսակցությունում զբաղեցրած բոլոր պաշտոններից։