ԱՄՆ զինված ուժերի ռազմավարական հրամանատարության ղեկավար, ռազմաօդային ուժերի գեներալ Ջոն Հայթենը հայտարարել է, որ պատրաստ է խոչընդոտել միջուկային հարվածի մասին ԱՄՆ նախագահի «անօրինական» հրամանին: CBS հեռուստաալիքի հաղորդմամբ՝ այս մասին նա հայտարարել է կանադական Գալիֆաքսում միջազգային անվտանգության հարցերով ֆորումի ժամանակ:
Հայթենը նշել է, որ ինքը նախագահին խորհուրդ է տալիս, իսկ Թրամփն ասում է, թե ինչ է պետք անել: Եթե միջուկային հրավածի մասին նախագահի «անօրինական» հրաման ստացվի, գեներալը մտադիր է Թրամփին ասել, որ դա անօրինական է, ասել է նա:
«Ի՞նչ եք կարծում, այդ դեպքում նա ի՞նչ կանի: Նա կհարցնի. «Իսկ ի՞նչն օրինական կլիներ», և մենք կբարձրացնենք տարբերակներ, կառաջարկենք ցանկացած իրավիճակի պատասխանի տարբեր հնարավորությունների համադրություն»,- ասել է Հայթենը:
Ռազմական որոշման օրինականությունը մի շարք ասպեկտներ են որոշում, նշել է գեներալը:
ԱՄՆ օրենսդրության համաձայն՝ ԱՄՆ նախագահը միայնակ կարող է որոշում ընդունել միջուկային հարվածի մասին:
