Թուրքիայի նախագահ Ռեջեփ Թայիփ Էրդողանը ոչ բավարար է համարում Նորվեգիայի պաշտպանության նախարար Ֆրանկե Բակկե-Ենսենի ներողությունը՝ կապված սկանդալի հետ, որը ծագել է ՆԱՏՕ-ի զորավարժությունների ժամանակ։ Այս մասին հայտնում է Reuters-ը:
«Երեկ դուք տեսաք անհարգալից վերաբերմունք ՆԱՏՕ-ի զորավարժությունների ժամանակ։ Կան սխալներ, որոնք արվում են ոչ հիմար, բայց անպարկեշտ մարդկանց կողմից»,- շաբաթ օրը հայտարարել է Թուրքիայի նախագահը: Էրդողանը նշել է, որ այդպիսի թեման «չի կարող փակվել սովորական ներողությամբ»:
Թուրքիայի նախագահն ավելի վաղ հայտնել էր զորավարժություններից թուրք զինվորականների հետկանչի մասին։
Ուրբաթ Նորվեգիայի պաշտպանության նախարարը ներողություն էր խնդրել Թուրքիայից և նշել էր, որ ցավում է Անկարայի համար վիրավորական դեպքի համար: Ներողություն է խնդրել նաև ՆԱՏՕ-ի գլխավոր քարտուղար Յենս Սթոլթենբերգը:
Հիշեցնենք, որ զորավարժությունների ժամանակ Նորվեգիայում սկանդալային դեպք էր տեղի ունեցել։ Դաշինքի ներկայացուցիչները տեղադրել էին «պայմանական հակառակորդի» լուսանկարներով ստենդ, որի վրա պատկերված են եղել Աթաթյուրքն ու ներկայիս թուրք առաջնորդ Թայիփ Էրդողանը։
