Սաուդյան Արաբիայի իշխանությունները նոր միջոցառումներ են ընդունել կոռուպցիայի մեջ բռնված անձանց նկատմամբ՝ արգելափակելով ֆոնդային բորսաներում նրանց առևտրային հաշիվները։ Այս մասին հայտնում է Al Hayat թերթը։
Պարբերականի տվյալներով՝ երկրի Կապիտալի շուկայի վարչությունը հանձնարարել է սառեցնել կալանավորված արքայազնների ու ձեռնարկատերերի բորսային հաշիվները։
Լույս նոյեմբերի 5-ի գիշերը գահաժառանգ արքայազն Մուհամմադ բեն Սալմանի գլխավորած Կոռուպցիայի դեմ պայքարի բարձրագույն կոմիտեն հանձնարարել էր ձերբակալել 11 արքայազնների և մոտ 30 նախկին ու գործող նախարարների։ Նոր մարմինը ձևավորվել է սաուդցի միապետ Սալման բեն Աբդել Ազիզ Ալ Սաուդի հրամանով, ով երկրում հայտարարել է հակակոռուպցիոն արշավ։
Ինչպես հայտարարել են թագավորության գլխավոր դատախազությունում, ընդհանուր առմամբ ձերբակալվել ու հարցաքննվել է 208 մարդ։ Որոշ տվյալնեով՝ կասկածյալների ցուցակում է հայտնվել արքայազն Ալ-Վալիդ բեն Թալյալը՝ աշխահի ամենահարուստ մարդկանցից մեկը։