Հայազգի հայտնի երգիչ Սեբուհ Սիմոնյանը Հայաստանում է: Սեբուհի մասնակցությամբ համերգը կայանալու է նոյեմբերի 20-ին Կարեն Դեմիրճյանի անվան մարզահամերգային համալիրում: Նա կատարելու է ինչպես իր սոլո, այնպես էլ իր խմբի՝ Գրեմիի մրցանակակիր «Capital Cities»-ի ստեղծագործությունները:
Սեբուհը 2 ամսով Հայաստան է ժամանել կնոջ ու երեխաների հետ: Առաջին անգամ է, որ հայրենիք է գալիս ավելի քան 2 շաբաթով և ոչ որպես զբոսաշրջիկ: 3 տարի առաջ այստեղ մկրտել է ավագ որդուն՝ Րաֆիին, հիմա էլ պատրաստվում է սուրբ հողի վրա մկրտել կրտսերին՝ Հովանին: