«2018 թ-ի բյուջեն բալանսավորված բյուջե է, թույլ է տալու, որպեսզի հետագա տնտեսական կանոնավոր աճը պահպանվի»։ Այդ մասին «Առաջին լրատվական»-ի հետ զրույցում ասաց ԱԺ «Հանրապետական» խմբակցության պատգամավոր Անդրանիկ Հարությունյանը։
Անդրադառնալով դիտարկմանը, որ «Ծառուկյան» խմբակցության անդամները բյուջեն թվանկարչություն են անվանում, որակյալ աճ չի կարող լինել, եթե սոցիալական ծախսերը չեն ավելանում, Անդրանիկ Հարությունյանն ասաց․
«Սուբյեկտիվ կարծիք է, ես դրա հետ համամիտ չեմ, դուք կո՞ղմ կլինեք, որ մենք նորից պարտք ավելացնենք, թոշակ բարձրացնենք, ես դրան դեմ եմ»։
Անդրադառնալով հարցին, թե արդյո՞ք բյուջեի նկատմամբ իր լավատեսությունը պայմանավորված է նրանով, որ վարչապետի թիմակիցներից, մտերիմներից է, Անդրանիկ Հարությունյանն ասաց․
«Իհարկե թիմակիցն եմ, ՀՀԿ անդամ եմ, ինքը մեր փոխնախագահն է»,- շեշտեց նա։
Անդրանիկ Հարությունյանն ասաց, որ «Ծառուկյան» խմբակցության քննադատությունները վերաբերում են ՊԵԿ-ին։ Նա չի կարծում, որ դաշինքը կպահանջի վարչապետի հրաժարականը։
«Հիմքեր չեմ տեսնում դրա համար»,- ընդգծեց նա։
Մանրամասները՝ տեսանյութում։