Չինաստանում Սյամեն-Չունցին չվերթն իրականացնող Sichuan Airlines ավիաընկերության ինքնաթիռը ստիպված է եղել արտակարգ վայրէջք կատարել ուղևորի պատճառով, ով թռիչքի ընթացքում հալյուրինացիաներ է ունեցել աշխատանքում սթրեսի պատճառով: Այս մասին հայտնում է South China Morning Post-ը:
Թռիչքի ժամանակ 22-ամյա ուղևորը վեր է կացել իր տեղից և սկսել է բղավել, որ իրեն հետապնդում են և որ ինքնաթիռը գրավված է:
«Նրանք փորձում են սպանել ինձ: Ոմանք դանակ ունեն, ոմանք՝ ատրճանակ: Նրանք գրավել են ինքնաթիռը»,- բղավել է ուղևորը:
Օդանավում անվտանգության ծառայության աշխատակցի նրան հանգստացնելու փորձերն անհաջողության են մատնվել: Ինքնաթիռը սիպված արտակարգ վայրէջք է կատարել Չանշա քաղաքում, ուղևորին իջեցրել են ինքնաթիռից: