«Հանուն Հայաստան պետության» ճակատի նախաձեռնող խմբի անդամ Պետրոս Մակեյանի խոսքերով՝ վերջին շրջանում իրենց նախաձեռնությանը միացել են շատ հայտնի գործիչներ՝ փաստաբաններ, մշակույթի ոլորտի ներկայացուցիչներ, մտավորականներ. «Ցանկն ընդլայնվում է»,- «Առաջին լրատվական»-ի հետ զրույցում ասաց նա։
Մակեյանը նաև նշում է, որ իրենց խնդիրն այժմ ժողովրդին ոտքի հանել է․«Առաջին պահին մտածում էինք, որ ուսանողների շարժումը կարող է կայծ լինել՝ թմրած ժողովրդին ոտքի հանելու համար, բայց եղավ այն, ինչ եղավ։ Հիմա պետք է բանալին գտնենք, փորձենք ներգրավել տարբեր շերտերի ներկայացուցիչների։ Հիմնական տանող ուժը պետք է քաղաքական լինի»,- ասաց մեր զրուցակիցը։
Ինչ վերաբերում է Զարուհի Փոստանջյանի հետ հնարավոր համագործակցությանը, մեր զրուցակիցն ասաց. «Ամեն ինչ հնարավոր է, անձամբ ես Զարուհու հետ որևէ խնդիր չունեմ։ Պարզապես Ժիրայրի հայտարարությունից հետո Զարուհին բացասական պատասխան էր տվել և դրանից հետո քննարկելու առիթ չի եղել։ Բայց ես ասել եմ՝ եթե Զարուհուն հաջողվի ժողովրդին ոտքի հանել՝ մենք հրապարակում կլինենք։ Պարտադիր չէ՝ անպայման մենք անենք, եթե գործարքի մեջ չգտնվող քաղաքական մարդ է՝ մենք խնդիր չունենք։ Զարուհու պարագայում, ես գտնում եմ, որ որևէ խնդիր չկա»։
Հարցազրույցն ամբողջությամբ՝ տեսանյութում։